بسم الله في الأول احب اقول اني مبسوط جدا لأني انضميت لأسرة أبناء مصر ، واحب اوصفلكم قد ايه انا سعيد لأني في بدأت احس أن ليا دور
في الأول احب أقول اننا كمصريين من حقنا نعبر عن آرائنا وأهتمامتنا دون المساس بكرامة الغير أو التجريح او التشويه
انا عاوز اقول شئ لكل من يطالبون بتغيير الحكام ، مصر يجب أن يحكمها عسكري ، ونظرا للظروف المحيطة والأخطار اللي حوالينا ماينفعش يمسك الحكم غير راجل عسكري وذو كفاءة عالية كمان ، حاليا مصر سياستها الخارجية ولا أروع لكن سياستها الداخلية في النازل ، كل اللي محتجينه كشباب قضاء عادل وانا بأكد علي دي أوي لأن زي ما كتبت قبل كده ان القضاء هو اساس أي دولة ودي حلها سهل وليه حلول كتير ، منها على سبيل المثال لا الحصر تبقى فيها لجنة هدفها انها تراقب القضاة في المحاكم وتعمل تقييم تاني حاجة نكتر عدد المحاكم ونعمل فروع زي محكمة الاسرة ، تالت حاجة نعمل القضايا على كمبيوتر بدل الملفات الكبيرة الضخمة اللي انتهت من زمان بحيث العدل ياخد مجراه بأسرع وقت .
ثانيا : الضرب من حديد على كل من يستغل منصبه لأهداف شخصية غير مشروعة وعلى من كل من يسئ استخدام السلطة
وطبعا دي برضه ليها طرق كتير
ثالثا استغلال كل شبر واستغلال الثروة السكانية طبعا هاتقوليلي ازاي دحنا عندنا تفجر في الزيادة السكانية ، على فكرة في الصين تعتبر الزيادة سكانية مش زيادة اصلا تعتبر ثروة سكانية اسمها ثروة يا جماعة في الصين لأن الأيدي العاملة دي ثروة يجب الاستفادة منها
ونهتم شوية بالمصانع ونساعد الناس اللي عاوزة تعمل مشاريع مش نسدها في وشهم
صدقوني لو بس الحكومة عملت الحاجات التلاتة دي هانبقى بلد مافيش زيها .
مستني أرائكم وردكم
عمرو هوكي
email: amr_hockey@yahoo.com
